Lapuyan, Zamboanga del Sur- Patay ang usa ka 34 anyos nga lalaki human gitadtad ug gipusil alas 6:30 sa gabii didtong dapita sa Purok 4, Brgy. Maralag, Lapuyan, Zamboanga del Sur.
Giila ang napatay nga Ricky Tumiclas, lumulupyo sa nahisgutan nga lugar.
Sa inisyal nga imbestigasyon sa Lapuyan PNP, gipusil ug gitigbas ang biktima samtang nagbaktas pauli sa ilang pinuy-anan kauban sa iyang hinigugma nga nailhang si Leah Dumagal, 23 anyos residente sa maong lugar.
Padayon pa nga gipangita sa kapulisan ang tulo ka mga lalaki nga hinimo sa ngil-ngig nga krimen.
Nakuha sa dapit nahitaboan ang basiyo sa bala sa caliber 45 nga pistola.
Samad tinigbasan sa liog ug pinusilan sa lain-laing parte sa lawas ang gikamatyan sa biktima. Personal nga bikil ang usa sa motibo nga gitu-an sa kapulisan sa Lapuyan.
