Patay ang usa ka lalaki human kini gipusil sa wala mailang suspek alas 8 kapin kun kulang ang takna kagabie sa may Bakwitana, sakop sa Barangay Bunawan ning dakbayan.
Ang biktima nailang si Edgar Baguio Estenzo, 40 anyos, balo ug molupyo sa nasangpit nga dapit.
Sumala sa pag umangkon niini nga si Gina Tinggas, nga adunay nakataho kanila nga adunay nadungog nga upat ka mga buto sa panimalay sa iyang uyoan ug nakita na lang ang patayng lawas sa biktima.
Naka angkon kini ug samad pinusilan sa ulo, ingon man sa batiis, ug sa dughan.
Panagbingkil sa yuta maoy usa sa nakitang anggulo sa pagpusil sa maong biktima.
Ang patayng lawas niini ang anaa sa may Mary Venus Funeral Homes samtang nagpadayon ang dugang imbestigasyon sa kapulisan labot sa maong panghitabo.
