Ang biktima nailang si Alex Rabadon Apostadero, residente sa Harada Butai, Padada, Davao del Sur ug Person Under Police Custody (PUPC) sa Malalag Municipal Police Station (MPS).
Sa interbyu sa DXDC RMN Davao kang Police Corporal Julius Flores, personahe sa Malalag MPS, gisaysay niini nga samtang naglingkod ug nagpaabot ang biktima nga tawagon alang sa iyang arraignment ug pre-trial sa iyang kasong attempted robbery ug theft cases, kalit na lamang kining gipusil sa wala mailhing suspek gamit ang caliber .45 pistol.
“Naa na gyud sila sa may hagdanan sa korte kay nagpaabot tawagon iyahang pangalan. Together with sa atong mga pulis didto,” saysay ni Flores.
Sa pagkakaron, naglusad na ang kapulisan og hot pursuit operation aron maila ang suspek diin personal grudge ang ginalantaw karon nga motibo sa krimen.
RadyoMaN Kirby Manzon
