Baha sa Banaybanay walay casualty

37
Davao City – Gibutyag sa Banaybanay Municipal Police Station (MPS) nga walay natalang naapektuhang indibidwal o casualty sa baha partikular na sa Barangay Maputi, Banaybanay, Davao Oriental niadtong Martes (Oktubre 4, 2022).

Sa interbyu sa DXDC RMN Davao kang Riecson Beñez, Operation Police Non-Commissioned Officers (PNCO) sa Banaybanay MPS, gibutyag niini nga aduna lay partially damaged nga balay kung asa misulod ang tubig-baha sa kabalayan sa maong lugar.

Dugang ni Beñez nga walay nag-evacuate nga residente tungod kay dali lang usab nga nag-subside ang baha, apan adunay giandam ang lokal nga panggamhanan nga evacuation center ugaling kinahanglan nga manghikling.

“Walay injured. Naa lay balay nga partially damaged lang siya. Pero wala may gi-evacuate nila,” sulti ni Beñez.

Matud pa, walay nasinatiang ulan sa lugar apan dunay pag-ulan sa kasikbit nga mga areas sa maong probinsya, diin ginasuta usab karon kung ang mga minahan sa lugar ang hinungdan sa insidente.

RadyoMaN Kirby Manzon

Facebook Comments