Wanted sa kasong lugos-sikop

General Santos City—tingkagol na sa silda sa Police Sation 3 (Lagao Police Station) ang usa ka lalaki kansa wanted sa kapulisan tungod sa kasong lugos nga iyang giatubang human nasikop sa gihimong operasyon sa kapulisan sa Prk pag-asa, Barangay Lagao Gensan.

Suspetsadong dinakpan nailhang si Richie Betanto,52 , minyo, negusyante, residenti sa Nara St., Prk. Pag-asa, Lagao, General Santos City.

Alas 4:00 ang takna sa hapon, Lunes, July 3, 2017 dihang gisikop ang nahisgutan pinaagi sa gahum sa warrant of Arrest sa kasong Lugos nga may criminal case number 2588-89 nga gipagula ni Hon. Judge Panambulan Membeza pinitsahan ug Novembre 28, 2016.


Wala na mipalag ang suspek human nga gipresentar ngadto kaniya ang warrant of arrest sa kasong iyang giatubang. Si Richie Bentanto ang no. 3 most wanted sa Police ug dugay nang gipangita sa kapulisan.

Sa karon commitment order nalang ang gihuwat sa kapulisan aron nga mabalhin na kini ngadto sa Gensan City reformatory Center human nga wala nay girekomendang pyansa sa kasong iyang giatubang.

Facebook Comments