South Cotabato – samdan ang usa ka lalaki human nga natigbasan human kining nangmolestya ug duha ka minor de edad didto sa Purok 8, Barangay Kalkam, Tupi, South Cotabato niadotng nakalabayng gabie.
Suspek giilang si Samen Pagutaran Makiga, 30, ulitawo, residente sa Purok 3, Barangay Bunao, Tupi, South Cotabato. Suspek sa pagpanigbas giilang si Rodel Dingan Calayo, 38, minyo, laborer ug residente sa samang Barangay.
Subay sa gihimong pagpanubay sa Tupi Municipal Police Station, nakig-inum matud pa ang suspek sa iyang mga amigo sa usa ka video k house sa nasangpit nga lugar. Dihang nahubog, misulod matud pa kini sa balay sa suspek nga si Calayo natulog matud pa ang suspek tapad sa anak sa suspek ug sa igsuon niini nga pulos minor de edad.
Dugang pa sa report nga gihubuan sa suspek ang 2 ka minor de edad ug gihikap sa pribadong parti sa lawas. Nakamata si Calayo ug dihang iyang nakita ang gihimo sa suspek, gilayon niining gikuha ang iyang sundang dayon gitigbas ang biktima igo sa iyang nawong ug liog.
Paspas nga misibat ang suspek samtang si Makiga, gidala sa ospital. Sa karon paayon ang gihimong imbistigasyon kalabutan sa insidenti.
