Altavas, Aklan — Nakaangkon it mga tama it pag-eabo rong sangka eaeaki matapos nga eambangan ag eab-on kabii sa Sitio Pakwan, Brgy. Dalipdip, Altavas, Aklan.
Ro biktima nakilaea kay Norberto Nadate, 53-anyos native it Brgy. Tigpalas, Malinao pero sa Dalipdip nagbuhaw ag naga trabaho. Imaw ra nakaangkon it mga tama sa tuo nga butkon, siko ag tuo nga parte it liog.
Samtang rong suspek nakilaea kay Leonardo de Pedro alyas “Kulabog” ag residente man it nasambit nga barangay.
Suno kay PO1 Martizano it Altavas PNP nga kabii hay nag-inuman ro biktima kaibahan ro anang mga barkada ag tag naga pauli eon imaw hay gin eambangan it suspek ag linabo.
Dating away ro ginapanan-aw nga rason.
Ro biktima hay ginabueong sa Aklan Provincial Hospital samtang rong suspek nagapabilin nga at-large.
