General Santos City- Patay nang nakaplagan sulod sa usa ka boarding house ang usa ka Joel Bastata- hingkod ang panuigon nga taga Mlang North Cotabato.
Sumala ni Lorelyn Pangan, tag-iya sa boarding house, ulahi niyang nakit-ang buhi ang biktima niadtong bisperas sa pasko.
Iya pa kining gibilinan sa susi sa boarding house tungod si Joel lang ang mahibilin saa ilang compound. Wala damha ni Lorelyn nga p-atay na niyang maabtan ang boarder nga si Joel.
Nasayran nga kagahapon sa buntag gisuwayan pa ug pukaw ni Lorelyn ang biktima sa pagtuong natulog lang kini apan wala gyud mibangon.
Milakaw pa si Lorelyn apan sa iyang pagbalik sa boarding house mao gihapon ang porma sa biktima nga anaa sa iyang higdaan.
Didto na naalarma si Lorelyn ug nangayo ug tabang sa mga opisyales sa ilang purok. Didto na iyang nakumpirma nga patay na ang biktima ug gituohan nga kini giurom.
Photo from web, not the actual photo
