Malampusong napasakaan sa kapulisan og Warrant of Arrest sa kasong Robbery ang detainee sa Provincial Detention and Rehabilitation Center (PDRC) kagahapon didto sa Brgy. Casisang, Malaybalay City, Bukidnon.
Giila ang suspetsado nga si Angelo Lubrique, 22 anyos, ulitawo ug residente sa Brgy. San Miguel, Maramag, Bukidnon.
Si Lubrique ang gipasakaan og Warrant of Arrest sa kasong Robbery ilawom sa Criminal Case No. 12599-21-1 nga gi-issue ni Hon. Emerita M. Panganiban-Gamboa, Presiding Judge, Supreme Court, 5th Municipal Circuit Trial Court, Don Carlos, Kitaotao, ug Dangcagan, Bukidnon pinitsahan Hulyo 23, 2021 nga adunay girekomendang piyansa nga mukabat sa P48,000 alang sa temporaryong kagawasan.
Nagpabilin sa kustodiya sa PDRC-Bukidnon ang suspetsado alang sa tokmang disposasyon.
Facebook Comments
