Wala na’y kinabuhi ang usa ka lalaki samtang naghay-ad kini sa sulod sa ilang panimalay didto sa Brgy. San Isidro, lungsod sa Sergio Osmeña ning probinsya sa Zamboanga del norte niadtong miaaging adlaw 4:00Am kapin kun kulang.
Ang biktima mao si Randy Galila Dela Cruz, 30 anyos residente kini sa nahisgutan nga dapit. Matod pa 6:30AM kapin kun kulang ang ugangan niini nga si Isidro Gooc miadto kini sa balay sa biktima nga naa nahimutang sa Sitio Maganda, brgy. San Isidro.
Paghidangat sa maong balay nakita sa iyang ugangan nga nagbay-ad kini ug gituohang walay na kini kinabuhi.
Dali nga gipahibalo ang amahan niini may kalabot sa maong panghitabo. Sa gihimong pag imbistiga ni PO3 Reynante Bersales ang imbistigador, nasayran ang maong biktima miinom kini ug hilo gikan sa duga sa Tubli.
Ge segundahan usab kini sa Municipal Health Personnel nga base sa ilang examination hilo ang gikamatyan sa biktima.
sa ulahi nga nasayran, gibutyag ni PO3 Bersales nga aduna kini deperensya sa pang huna-huna ug niadtong higayuna nag inusara kini sa ilang balay tungod kay ang iyang anak ug asawa didto kini natulog sa balay sa amahan sa iyang asawa tungod kay nagsakit ang ilang anak.
Hinungdan nga nakahigayon kini pag inom sa duga sa Tubli nga mitapos sa iyang kanabuhi.
