Nanawagan karon ang kapolisan sa Salay Police Station sa Salay, Misamis Oriental kung kinsa kadtong nawad-an og sakop sa ilang pamilya, nga makig-koordinar lamang kanila.
Kini human adunay nakit-ang patayng lawas sa usa ka wala mailang lalaki ang mga mananagat sa maong lungsod, nga naglutaw-lutaw sa lawod nga bahin niadtong miaging gabii.
Matud ni SPO1 Jason Dablo, ang imbestigador sa Salay Police Station nga posibleng gikan sa isla sa Camiguin ang maong biktima, nga lisod nang maila tungod kay anaa na kini sa state of decomposition.
Sa karon, temporaryong gipahimutang ang patayng lawas sa biktima sa Ranas Funeral Services sa Balingasag, Misamis Oriental.
Facebook Comments
