SAGAY CITY, NEGROS OCCIDENTAL – Violation sang RA 9165 kag Comelec Gun ban ang duha ka kaso nga mahimo atubangon sang isa ka suspek nga nadakpan sa buybust operation nga ginpatigayon sini lang nga aga sa Brgy. Poblacion 2, Sagay City.
Nakilala ang suspek nga si Renante Laspona, legalang edad kag residente sang Brgy. Bato, Sagay City.
Gindakup ang suspek sa ginpatigayon nga operasyon sang Drug Enforcement Unit sang Sagay City Police Office sa pagpanguna ni P/Cinsp. Antonio Benetez Jr., may mga las 8:30 sini gid lang nga aga sa Hacienda Palanas, Brgy. Poblacion 2 ciudad sang Sagay.
Ang suspek gina-angut sa pagbaligya sang illegal nga druga subong man gina-alleged nga naga hupot ini sang armas nga violation naman sa RA 10591.
Nakuha sa possession ni Laspona ang 7 ka sachet sang suspected shabu, buybust item, 1k pesos nga marked money, isa ka 9mm nga pistola kag may magazine, 5 ka live ammo sang 9mm, cash proceeds nga kapin 9,700 pesos, dollar bills, wallet kag isa ka motorsiklo.
Sa karon detained na ang suspek sa custodial facility sang Sagay City Police Station./Agnes Apostol
