BACOLOD CITY – Nadakpan na ang lalaki nga nagpangawat sang lima ka tray sang itlog sa atubang sang isa ka bloke sa Burgos Public Market.
Si Cloves Elbanbuena, 57-anyos, residente sang Barangay 31, Bacolod City ang nakuhaan sang CCTV nga naghakwat sang mga tray sang itlog kag dali-dali nga naglakat.
Gilayon nga nagpatigayon sang operasyon ang Police Station 4 kag naarestar si Elbanbuena sa Dalan Lopez Jaena.
Sa police station, nagluhod pa ang suspek sa atubang sang tag-iya sang baligyaan nga si Elisa Catacata agud magpakitluoy nga indi na ini pagkasuhan.
Indi na interesado pa si Catacata nga idemanda si Elbanbuena. [Photo by Bacolod Police Station 4]
Facebook Comments
