Davao City – Usa ka patayng lawas sa lalaki ang ang nakaplagang nagbuy-od pasado alas 11:00 sa buntag didto sa usa ka bakanteng luna sa Saint John Brgy. Cabantian siyudad sa Davao.
Sa report gikan sa Buhangin PNP ang biktima naila sa pangalang Roben La Roa, 85 anyos taga Zone 2 Saint Jude Buhangin ning siyudad.
Sa imbestigasyon sa kapolisan, ang amigo sa biktima nga si Edgar Tariman maoy nakakita ug sa patayng lawas samtang nagtugway kini sa kanding diin nakatimaho kini og bahong patay gikan sa kabagnutan ug anaa sa pagkadugta.
Sa gihimong occular investigation sa kapolisan walay nakitang foul play ang kamatayon sa biktima diin sumala pa ni Tariman dunay gihambing nga balatian ang biktima.
Ang patayng lawas sa biktima anaa na sa St.Peter Funeral homes sa Panacan ug ipailawom kini og otopsiya aron masayran kun unsa ang motibo sa kamatayon sa biktima.
RadyoMan Don Pulayao
