Patay na sang masapwan ang isa ka lalaki kag may igo sang luthang sa nagkalainlain nga bahin sang iya nga lawas pasado las cinco sang aga, Nobyembre 6 sa Purok Barracks, Barangay Camingawan syudad sang Kabankalan.
Ginabulubanta nga naga-edad sang 30 anyos, masubra sa 5 feet ang kataason, may tattoo nga dagger sa likod, naka-maong nga dilargo, nagadu-ag brown ang bayo, naka jacket gray nga may logo sang golden state, malaba ang buhok nga nakapungos kag may burangos.
Sa imbestigasyon sang kapulisan, las 9 sang gab-i, November 5 sang nakabati sang kapin anum ka lupok ang mga residente sa amo nga lugar kag ila na lang nasapwan sang aga na ang amo nga bangkay.
Narekober sa eksina ang 3 ka empty shell sang calibre 45.
Samtang padayon pa nga gina-imbestigahan ang identity sang amo nga biktima bangud wala sang may nakakilala kag napatihan nga ini ang pangayaw sa amo nga lugar.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
