Walay girekomendang piyansa alang sa lalaking nasikop sa kasong Murder atol sa operasyong gipahigayon sa mga kapulisan adtong milabayng Sabado didto sa Purok-2, Brgy. Imbayao, Malaybalay City, Bukidnon sa alas 9:50 sa kabuntagon.
Giila ang suspetsadong nasikop nga si Alberto Bonye, 48 anyos, minyo ug mulopyo sa naasoy nga lugar ang gipasakaag warrant of arrest sa kasong murder nga gi-issue ni Hon. Wilfredo G. Bibera Jr., Presiding Judge sa Regional Trial Court, 10th Judicial Region, Branch 46, Malaybalay City pinitsahan Abril 8, 2021.
Gipangunahan sa Malaybalay City Police Station ang maong operasyon inubanan sa 1004th Regional Mobile Force Brigade sa pagkasikop sa maong suspetsado.
Gibalhog na sa Malaybalay City Police Station si Bonye alang sa tokmang disposasyon.
