Ginbawian sang kabuhi ang nagabisekleta, matapos nga bungguan sa bahin sang Crossing Dajay, Surallah, South Cotabato, pasado alas 7:00 kahapon sang aga, Setyembre 26, 2021.
Sa inisyal nga imbestigasyon sang Surallah MPS, ang biktima nga si Rene Fanuga Tayco, 47 –anyos kag residente sang Zone 4, Brgy Libertad, Surallah, South Cotabato sakay sa iya nga bisekleta ang aksidente nga nabungguan sang MG autmobile nga ginamaneho ni Francis Miko Inocente Aturdido, 20 years old, single, estudyante kag residente Brgy. Liwanay, Banga,South Cotabato.
Suno pa ang duha ang nagasubay sa pareho nga direksyon halin sa banwa sang Sto. Niño padulong sa Surallah, apang pag-abot sa nasambit nga lugar aksidente nga nabungguan sa likod nga parte sang automobile ang bisekleta.
Gindala pa sa ospital ang bicycle rider, apang gindeklarar nga patay sang attending physician samtang ginapaidalom sa medikasyon tungod sa naangkon nga pilas sa mga nagkalain-lain nga parte sang iya nga lawas.
