General Santos City–Nagpabilin pa karon sa Dr. Jorge Royeca Hospital ang biktima sa pagpanigbas nga nailang si Ellieboy Monteprio, 36 anyos, nga taga Rubi Compound, Leon LIedo St., Barangay Lagao Gensan kansa gitigbas sa iyang silingan nga si Nestor Delos Santos, residenti sa susamang lugar.
Sumala sa biktima atol sa pakighinabi kaniya sa RMN Gensan News team, ayha nahitabo ang pagpanigbas, nag inum sila didto sa ilang lugar nga misangko sa pagpanigbas.
Nasayran nga hapit maputol ang upat ka mga tudlo sa biktima dihang siya gitigbas sa suspetsado.
Dugang pahayag ni Monteprio nga nag ugat ang kasuko kaniya sa suspek dihang iya kining gikumpronta bahin sa gisulti sa nasampit niadtong nakalabayng adlaw nga matud pa sila pamutlan ug uli ug kuhaan ug laman loob.
Gikasuko sa suspek ang iyang gihimong pagsita sa nasampit maong nikuha kini ug sundang dayon miadto sa balay sa biktima aron kini tigbason.
Nakasulod pa ang biktima sa ilang balay apan dihang iyang girad-an ang ilang pultahan, naabtan kini sa suspek mao nga siya natigbasan sa kamot nga bahin. Nasayran nga sa kasamtangan balhog na sa silda sa Police Station 3 ang suspek human gidakop sa kapulisan human sa insidenti.
