Nag-angkon sang duha ka pilas ang isa ka 27 anyos nga lalaki matapos nga matiruhan sang gwardiya sang isa ka mini-mart sa Dalan Galo- Burgos North Public Market syudad sang Bacolod pasado las 9 sang aga Abril 19.
Ginkilala ang biktima kay Epraim Anhao, 27 anyos, residente sang Prk. Angeles, Barangay Estefania syudad sang Bacolod.
Ang suspek nga gwardiya ang ginkilala kay Leo Pagayonan, 34 anyos sang JRY Security Agency.
Sa imbestigasyon sang kapulisan, ginlagas sang mga Barangay Tanod sang Brgy. 22 kag sang mga otoridad ang biktima matapos nga ini ang ginsaway nga nagalagaw sa dalanon apisar sang ginapatigayon nga lockdown sa sini nga adlaw sang Domingo, apang ini ang nagdalagan kag tuyo nga magsulod sa Kmart kag ginpunggan sang gwardiya kag gintiro.
Nag-angkon si Anhao sang igo sa nawala nga likod lapos sa wala nga butkon kag padayon ini nga ginabulong sa ospital.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
