Malampusong nasikop nilang Police Chief Insp. Ariel Phillip Pontillas, ang hepe sa Gingoog City Police Station ang wanted person nga si Alikain Madlos Dalura, 39 anyos nga taga-Purok 1, Brgy. San Jose, Gingoog City, Misamis Oriental.
Kini atol sa ilang pagsilbi sa warrant of arrest batok sa suspek, nga giisyu ni Hon. Rexel Pacuribot, ang Presiding Judge sa RTC 10, Branch 27 sa Gingoog City sa maong lalawigan tungod sa kasong Attempted rape nga adunay pyansang 120 tawsan pesos.
Gawas sa maong kaso, laing warrant of arrest usab ang giisyu ni Hon. Lorimer Delima Sr., ang Presiding Judge sa MCTC sa Gingoog City batok kang Dalura gumikan sa kasong Malicious Mischief nga adunay pyansang kwatro mil pesos.
Sa karon detinado na ang suspek sa Gingoog City Police Station, kinsa naghulat na lamang sa commitment order nga iisyu sa korte batok kaniya.
