SILAY CITY – Dakup ang isa ka lalaki nga gina-alegar ‘gun-for-hire’ matapos gin-serbihan search warrant sa kaso nga Violation sang Comelec Gunban kagab-i sa Brgy. E. Lopez, Silay City.
Nakilala ang suspek nga si Allean Rano, 33 anyos, residente sang Had. Cabungahan, Brgy. E. Lopez, Silay City.
Ini siya nadakpan matapos gin-serve sang Silay City Police Station sa pagpanguna ni P/Supt. Noel Polines ang search warrant may mga las 7:30 kagab-i sa balay sang suspek.
Nakuha sa iya possesion ang 2 ka hand grenade, isa ka calibre .45 nga pistola nga may duha ka magazine, 20 ka bala sang .45 calibre nga arms, 8 ka bala sang 12 gauge shotgun kag mga nagkalain-lain nga cartridge cases sang armas.
Si Rano ang may kaso man nga murder nga karon detained na sa custodial facility sang Silay City Police Station. / Agnes Apostol with reports from Melandro Benetua – Silay Correspondent
