ILOILO CITY – Lipong si Cletus Dapatnapo , residente sang Tabuc Suba , Jaro matapos gintapungol ni Elvis Sampani ala 1:40 kaina sang kaagahon sa Mirasol Subd., Nabitasan, Lapaz.
Suno kay alyas Elvis naga-inum-inom siya upod ang iya mga abyan sang nadesisyunan nga magpadulong sa gina-imnan sang ila barkada.
Nakita nila si Cletus nga nagadukuan kag nagahamboy sa salakyan kag sang gintanyagan sang bulig ni Elvis, gulpi na lang siya gintapungol ni Cletus kag naigo gid sa sulok-sulok.
Nagbalos si Elvis kag iya man gintapungol si Cletus nga ginkalipong gid sini.
Bangud migo ni Cletus si PO1 William Nam-ay, 30 anyos , residente sang Madalag, Aklan kag assign sa Capiz Public Safety Company , naggabot siya sang armas luthang , nanaya kag nagpinalupok sang makapila ka beses kag ginlagas ang grupo ni Elvis nga madasig nagdalagan.
Sa karon, nakahunong si Elvis sa Lapaz PNP bangud sang physical injury nga natuga.
Ginbisita naman ni PO1 Nam-ay ang abyan nga si Cletus sa Western Visayas Medical Center nga padayon ginabulong matapos tinapungol kag gilayon nalipong.
Ginpahayag naman sang pamilya ni Cletus nga willing sila nga magpa-areglo.
PHOTO: not the actual photo/photo from web
