ILOILO CITY – Ginpangako ni Mayor Jed Patrick Mabilog nga patindugan sang communal toilet ang barangay Mansaya kag Lapuz Norte para sa mga pumuluyo nga wala sang kaugalingon nga CR sa ila balay.
Suno kay Mayor Mabilog nga may natumod na sila nga mga area sa natungdan nga barangay nga patindugan sang communal toilet kag pagapainan na lamang sang nagakaigo nga pondo.
Kadungan sini, ginhingyo sang alkalde sa mga pumuluyo nga likawan na ang paghaboy sang mga basura sa budburan creek nga amo ang ginahimo nila nga basurahan kag nagaserbe man nga septic tank bangud diri naga-deretso ang ila mga higko.
Nahibaluan nga ginpahayag ni punong barangay mila dagandara sang Mansaya Lapuz kag kagawad Sigfred Madiclum sang Lapuz Norte nga may mga pumuluyo sa ila barangay nga nagaistar sa kilid sang creek nga wala sang CR kag wala naga-obserbar sang husto nga pag-dispose sang basura.
Suno sa ila nga ginatudluan naman nila ang mga natungdan sang kaimportante sang katinlo sang palibot apang may mga pumuluyo gid nga wala nagatuman.
