BACOLOD CITY – Nasapwan nga patay na ang isa ka lalaki sa bakante nga lote sa Hillside Subdivision, Brgy. Mansilingan, Bacolod City.
Nakilala ang biktima nga si Wilfredo Blas, 48 anyos ang edad, sigle kag pumuluyo sang Purok Kasilingan, Brgy. Mansilingan, ciudad sang Bacolod.
Suno sa imbestigasyon sang Police Station 7, may mga las 6:30 kaina sang aga may isa ka traysikad driver nga nagkadto sa ila istasyon asgud magpabalo nga may nakita siya nga tawo nga nagahigda sa plywood, may dugo sa iya baba, sa isa ka vacant lot sa Pluto Street, Hillside subdivision.
Ginpahayag sang pamilyasang biktima nga ini siya ang may balati-an nga asthma kag diabetes.
Sa karon padayon ang imbestigasyon sang PS7 agud mahibaluan kon bala may foul play ukon wala ang kamatayon sang amo nga biktima./DONARD ALIMPOLO
