Lalaki nga nagdala-dala og armas gidakop sa otoridad

23

Kumalarang, Zamboanga del Sur – Kasong paglapas sa Republic Act 10591-“Comprehensive Firearms and Ammunition Regulation Act” ang gisang-at sa kapulisan batok sa usa ka 45-anyos nga lalaki nga na-imbargohan or armas diha sa Purok Waling-waling, Barangay Poblacion, Kumalarang, Zamboanga del Sur.
Gumikan sa nadawat nga taho sa Kumalarang PNP gikan sa nagpakabana nga katawhan nga dunay namatikdan nga kadudahan nga tawo nga naglakaw-lakaw sa maong lugar nga dunay giluklok sa hawak nga pistola.
Ang Kumalarang Police uban sa personahe sa Provincial Mobile Force Company daling niresponde sa lugar og didto ilang gisita ang kaduhaduhaan nga indibidwal nga si Matan Gawal Gon, 45-anyos, taga-Purok 2, Barangay Luanan, Lapuyan niining probinsya.
Dihang gikapkapan sa kapulisan nakuha gikan kaniya ang usa ka Caliber 45 Pistol nga dunay usa ka magazine nga gisukipan sa pito ka buhing bala.
Gipangitaan og dokumento ang akusado sama sa registration, license to own and possess firearm ug permit to carry outside residence pakyas kini sa pagtunol.
Ang akusado largong gipaslak sa Kumalarang Municipal Police Station Detention Cell samtang gihikay ang kaso.

Facebook Comments