Mayor Sara: Davao travel protocols padayong ipatuman vs. Delta variant

44

Davao City – Padayon nga ipatuman sa City Government of Davao ang mga protocol sa border checkpoint pasulod sa syudad sa Davao labi na nga aduna nay natalang kaso sa Coronavirus Disease 2019 (COVID-19) Delta variant sa syudad.

Matud ni Davao City Mayor Sara Duterte-Carpio (sa interbyu sa city-owned radio) nga walay pagbag-o sa kasamtangang traveler protocols nga ginapatuman subay sa guidelines gikan sa Regional Inter-Agency Task Force (RIATF) ug Regional Task Force (RTF) sa protocols sa border checkpoints.


“Wala ‘tay changes (sa traveler protocols due to Delta variant). It’s still the same for Davao City, it’s symptom screening and the random checking kung asa ka gikan nga traveler and for our checkpoint nga border sya sa pikas region, we still use the RIATF and RTF na joint resolution in implementing screening of inter-border travel,” sulti sa alkalde.

Tataw ni Mayor Sara nga susamang aksyon ang ipatuman batok Delta variant nga mao ang pag-test, pag-trace, pag-isolate, ug pag-treat sa pasyente ug pagdala niini sa ospital kung gikinahanglan.

Sa pagkakaron, walay plano ang lokal nga gobyerno nga muhangyo nga ipailawom sa mas istriktong quarantine status ang syudad diin kini mag agad lamang kini sa rekomendasyon sa IATF subay sa ilang assessment sa kaso sa COVID-19 ug sitwasyon sa Local Government Unit (LGU).

“Wala ‘tay request sa IATF for a stricter community quarantine (CQ) status. Ang kanang CQ status maggikan na siya sa IATF and naa silay parameters kung asa ka dapat ibutang as an LGU depending on the data nga makuha nila diha sa inyong syudad or makuha sa diha sa DOH region,” segun sa alkalde.



RadyoMaN Kirby Manzon

Facebook Comments