Ginpatihan nga gin-atake sa kurason ang isa ka lalaki nga nagdaog sa Small Town Lottery (STL) sa probinsya sang Aklan.
Nagdaog si Cesar Ocdina sang P17,000 sa STL.
Tumandok ini sang Metro Manila apang temporaryo nga nagaestar sa Barangay Bulwang, Numancia, Aklan.
Nasapwan na lamang ini sang iya katrabaho sa sulod sang furniture shop sa Barangay Camanci Norte, Numancia Aklan nga nagapungko kag wala na sang kabuhi kag ginapatihan nga gin-atake sa kurason.
Antes ang insidente, ginapahayag nga isa ka semana nga nagpahubog si Ocdina matapos nga nagdaog sa STL.
Base naman sa pagpangusisa sang Scene of the Crime Operatives (SOCO), wala sang indikasyon nga may foul play ang kamatayon ni Ocdina.
Photo from web
Facebook Comments
