Inamigo ug walay problema nga tawo ang usa ka Leonardo Galarido, 49 anyos , minyo, kinsa naghikog patay sa tangkalan sa baboy, sa Zone- 6 Barangay Baikingon ning syudad.
Matud ni SPO1 Bernabe Ave, ang investigator sa Bulua Police Station, nga basi sa iyang pakighinabi sa asawa sa biktima, walay problema ug maayo ang financial standing sa magtiayon.
Dugang pa ni SPO1 Ave nga saligando usab ang biktima sa iyang gitrabaho-an, basi na usab sa pamahayag sa amo niini.
Nasayran nga nakita ang biktima sa iyang asawa nga nagluhod sa tangkalan sa baboy gamit ang nylon.
Samtang posible nga maayo lang modala sa iyang problema ang biktima.
Gidugang ni SPO1 Ave nga adunay tawo nga maayo kaayo mopakatawa sa uban apan kung sila nalang, diha na makahunahuna sa ilang problema.
Nasayran nga gikan nakainum ang biktima ug miuli pa sa ilang balay ug ang-ilis ayha nahitabo ang insidente.
By: RadyoMaN Mishelle Mesias Enloran
