TACLOBAN CITY – Ginpamumusil han riding in tandem an usa nga lalaki nga nagchecheck han iya truck nga nakapark ha atubangan han Nutribake Inc., YKS Complex, Brgy. 68 Anibong, Tacloban City kanina han alas 6:40 han aga, June 3.
Subay ha report han Police Regional Office 8, ginkilala an bikitma nga hi Eduardo Abrahan Bosito Sr., 50 anyos, may asawa, usa nga self-employed ngan residente ha nasabi nga lugar.
Nagawas ha inisyal nga imbistigasyon han mga otoridad nga ginchecheck han biktima an iya truck nga nakapark ha prente han YKS Compound han tigda nga umabot an duha nga suspek sakay hin motorsiklo ngan ginpamumusil an biktima.
Dayon naman nga gindara an biktima ha hospital para matambal.
Padayon an imbistigasyon han mga kapulisan kun ano an motibo hini nga krimen ngan an pangilal-an han mga suspek.
