Patay ang usa ka lalaki human nga gidunggab sa iyang silingan sa Zone 3- Barangay Bugo ning syudad.
Matud ni PO3 Rodrigo Villasan, investigator sa Puerto police station, naila ang biktima nga si Jesico Samante, 53 anyos, minyo, samtang suspek naila nga si Crisanto Andales, 50 anyos, parehong residente sa maong dapit.
Daan ng adunay personal nga panagbingkil ang duruha, hinungdan nga nahitabo ang pagpangdunggab.
Nasayran usab nga hubog niadtong tungora ang suspek ug nakita ang biktima, busa kalit niya kining gidunggab sa dughan nga nagresulta sa kamatayon ni Samante.
Samtang detinado karon sa Police station 6 Puerto ang suspek nga si Crisanto Andales.
Matud ni PO3 Rodrigo Villasan sa Puerto police station, nga narekober usab ang kutsilyo nga gigamit sa suspek, sa pagdunggab sa biktima.
Nasayran nga nadakpan ang suspek, atol sa gihimo nga follow up operation sa kapolisan sa Zone 3 Barangay Bugo ning syudad.
By: RadyoMaN Mishelle Enloran
