Davao City – Patay sa dihang gikulata ang usa ka lalaki sa usa ka giingong hubog kinsa nag maoy sulod sa usa ka videoke bar sa may Purok 9-B Poblacion, Maco alas-10 sa kagabhion.
Biktima naila sa pangalang Henry ‘Ruffa’ Baruiz samtang ang suspek mao si Israel Tuco, 20 anyos nga residente sa nasangpit nga lugar.
Matod pa sa rekord sa Police Regional Office XI (PRO-XI), dihang girespondehan na sa kapulisan ang report sa tag-iya sa maong bar nga si Meliza Sumalinog, gidala na sa balay ang biktima samtang ang suspek misibat sa maong bar.
Gumikan sa hot pursuit operation sa otoridad nadakpan ang suspek apan nasayran sa kapulisan nga patay na diay ang biktima kinsa gikulata ni Tuco human kini gipahibalo ni Sumalinog.
Ang patay’ng lawas sa biktima anaa na sa Sta. Teresa Funeral Homes, Del Pilar St. Mabini ComVal.
RadyoMaN Abi Bibera
