Patay ang usa ka lalaki human nga misukol sa kapolisan sa gipahigayon nga buy bust operation sa Sinai, Laguindingan Misamis Oriental kagabei.
Matud ni Police Lt. Nilo Maderse, biktima naila nga si Clent Balle, hingkod ang edad, ug residente sa maong dapit.
Nasayran nga atol sa operasyon, nabantayan ni Balle nga polis ang iyang ka-transaksiyun, hinungdan nga mibunot kini og armas ug nagpabuto.
Kini ang hinungdan nga mibalos ang kapolisan, hinungdan nga naigo kini sa dughan nga bahin.
Narekober sa kapolisan ang 500 pesos nga buy bust money, ug tulo ka sachet sa gituohang droga.
Dali nga gidala sa kapolisan sa hospital sa Alubijid ang biktima, apan dead on arrival na kining gideklara sa doctor.
Nasayran usab nga kaduha na nagbalik-balik sa presuhan si Balle.
