Patay ang isa ka lalaki matapos ginbuno sang iya upod sa trabaho sa barangay Malayuan, Ajuy, Iloilo mga alas 5 kahapon sang hapon (Hulyo 22).
Ginkilala ang biktima nga si Ordisi Good, 39 anyos sang Cebu samtang ang suspek amo naman si Jerwin Liosa, sang Angeles, Pampanga.
Ginpahayag ni Police Lt. Roy Castro, Deputy Chief of Police sang Ajuy Pnp nga mga alas 5 kahapon sang hapon, naga-inum-inum ang suspek kag daw indi mapahamtang nga nagabalik-balik sa ila barracks.
Sang ulihi, nakita ini sang isa ka bata nga naguwa sa barrack nga nagpalagyo kag may bitbit nga kutsilyo kag didto nakita ang biktima nga nagahapaon sa sulod.
Gindala pa sa Sara District Hospital ang biktima apang gindeklarar nga dead on arrival samtang at large naman ang suspek kag padayon nga ginapangita sang kapulisan.
