Patay ang isa ka lalaki nga target sa drug buy bust operation sang Bacolod City Drug Enforcement Unit sa pagpamuno ni Police Captain Leo Estopa- hepe sang Police Station 2. Nag-angkon sang patal nga igo sang armas luthang ang suspek sa nagkalain-lain nga parte sang iya nga lawas matapos nga nagbato sa kapulisan.
Ginkilala ang subject sa buybust kag napatay kay Jose Paterio Torete, 43 anyos. Base sa identification nga nakuha sang kapulisan ini ang taga Rosario Heights, Barangay Taculing syudad sang Bacolod.
Suno sa mga otoridad, una nga nagpalupok si Torete rasun nga nagbalos ang mga kapulisan nga nag resulta sang pagkapatay sang biktima.
Nakuha sa eksena sang krimen ang armas nga .38 cal. revolver nga gingamit sang suspek kag ang madamo nga sachet sang suspected shabu nga ginabulubanta nagabalor sang 374 ka libo ka pesos (P374,000).
Samtang, may pito ka mga tawo ang gin-aresto sang mga pulis matapos nga yara ang mga ini sa nasambit nga lugar, may duha naman nga nakapalagyo nga ginapatihan imbolbado man sa iligal nga transaksyon.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
