Siocon, ZDN-Nagpakitabang si Ronilyn Samod sa buhatan sa kapulisan didto sa lungsod sa Siocon human kini sila pabuthi sa armas de fuego didto sa may Brgy. Manaol, Siocon, ZDN.
Sa report gikan sa pnp Siocon kini si Ronilyn uban sa iyang bana ug sa iyang bayaw nga babaye nanguha kini sila ug gagmayng alimango o mas nailang kalas-kalas usa ka fishpond.
Matod sa mga biktima samtang nagkamulo sila ug panguha sa maong kalas-kalas, gipabuthan kini sila sa makaduha kahigayon ni Rene Bajo, kinsa caretaker sa fishpond.
Human nga nareport kini sa kapulisan dali kining girespondehan sa pagpangulo sa hepe nga si Police Major Manolo T. Echem.
Didto nakuha sa posisyon ni Rene ang calibre .45 ug pakyas kining nakapakita sa legal nga dokumento hinungdan nga gibitbit kini sa mga pulis padulong sa Sioncon MPS.
Kasong paglapas sa paghupot ug illegal nga armas ug comelec gun ban ang atubangon sa maong dinakpan.
