Samaran ang duha ka pulis ug upat ka sibilyan sa mis encounter nga nahitabo kagabie sa Brgy. Puerto.
Ang mga samaran naila sa ngalan nga sila PSMG Jose Ryan Sevilleno, nga na destino sa Police Station No. 6, Puerto, Cagayan de Oro City ug PSSG Arman Tagolimot, nga na-assign sa Misamis Oriental Provincial Police Office.
Samtang ang mga sibilyan nga samaran, naila sa pangalan nga sila Jaymar Canencia, 29 anyos, residente sa Zone-6 Brgy. Bugo, Mary Ann Ordaña, 27 anyos, residente sa Purok-4 Brgy. Tablon, usa ka 12 anyos nga residente sa Villanueva, Misamis Oriental ug Enelita Salinay, 45 anyos, nga residente sa Purok 5, Brgy. Sugbongcogon, Tagoloan Mis or.
Nasayran nga adunay gisundan nga wanted person si PSSG Arman Tagolimot sa Mis. Or PPO, gikan sa Tagoloan Misamis Oriental ug padulong sa Puerto Cagayan de Oro.
Ang maong wanted person naila sa pangalan nga si Jojo Rosales nga adunay pending warrant of arrest gumikan sa kasong murder.
Pag abot sa Purok 6, Sayre Highway Brgy. Puerto, namatikdan sa suspect nga gisundan kini, hinungdan nga mibunot kini sa iyang calliber 38 nga armas ug nagpabuto batok kang PSSG Tagolimot, hinungdan nga mibalos kini apan na-igo ang usa ka tambay nga si Jaymar Canencia.
Dali usab nga mi-responde sa panghitabo si PSMG Sevilleno, apan na-alaan kini nga suspect hinungdan nga nagbinayloay og buto ang duha ka pulis.
Gumikan niini, samaran ang mga na-angin sa insidente nga naila sa ngalan na sila Mary Ann Ordana, usa ka minor de edad ug Enelita Salinay.
Samtang si Jojo Rosales, nga adunay pending warrant ang naka ikyas sa panghitabo.
 Na-recover sa SOCO sa pag panguna ni Police Lt. Fulgen Ragmac, ang 6 ka fired cartridge sa cal. 45, deformed fired bullter sa cal. 45, ug 5 ka fired cartridge sa 9 mm calibre.
