Lalaki sa Bansalan sikop sa buy-bust

Davao City – Kasong paglapas sa Republic Act (RA) 9165 ang atubangon sa usa ka lalaki human nasikop sa gikasang joint buy-bust operation sa Nebrada Subdivision, Barangay Poblacion Dos, Bansalan, Davao del Sur pasado alas 6:00 sa gabii niadtong Domingo (July 3, 2022).

Gipangunahan ang operasyon sa Drug Enforcement Unit sa Bansalan Municipal Police Station kauban ang Provincial Drug Enforcement Agency (PDEA), Provincial Drug Enforcement Unit (PDEU), Provincial Intelligence Unit (PIU), personnel from 1104th Regional Mobile Force Battalion (RMFB) 11 ug 2nd DSPFMC.

Sa interbyu sa DXDC RMN Davao kang Police Executive Master Sergeant (PEMS) Michael Alleria, Public Information Officer (PIO) Bansalan Municipal Police Station (MPS), giila ang suspek nga si Ronel Delos Reyes Regidor, 34 anyos, residente sa nahisgutang lugar.

Nakuha sa dinakpan ang mga pakete sa gituohang shabu nga adunay estimated value nga anaa sa P5, 000.

Panawagan sa pulis sa katawhan nga likayan ang mga iligal nga aktibidad ilabina ang iligal nga droga diin makadaot kini sa tawo ug lakip usab nga apektado ang pamilya niini.

“Kini nga klase man gud nga butang (iligal nga droga) makadaot gyud kini dili lang sa tawo (kundili) sa kaugmaon (usab) sa atong mga anak,” mensahe ni Alleria.

RadyoMaN Kirby Manzon