Kapin P300-K smuggled cigarettes sagunsong naharang sa TF Davao

Davao City – Sunod sunod nga naharang sa mga personahe sa Task Force Davao sa Sirawan, Toril Checkpoint ang mga smuggled nga mga sigarilyong gisulaya’g sulod sa syudad sa Davao.

Sumala ni Task Force Davao Public Information Officer CAPTAIN JOHN LOUIE DEMA-ALA, anaa sa 12 ka mga kinartong illegal nga sigarilyo kun mokantidad sa Php299,500.00 ang ilang nasakmit nga gisakay sa Transformer Mini-Van.

Arestado ang tulo ka mga suspek nga giilang sila Rajiv Radjail, 36 anyos, taga-Isla Verde Boulevard, Jerhan Sabdani, 34 anyos, taga- Purok Silad, Buhangin District Mandug, Davao City ug Rasul Sariul, 40 anyos, taga-Isla Verde Boulevard, Davao City.

Samtang, nakumpiska usab sa kasundaluhan ang anaa sa P39,000 o 78 reams sa assorted nga illegal nga sigarilyong gisakay sa Suzuki 4×4 Multicab.

Arestado ang drayber nga si Ernesto Hugan Jr., 47 anyos, taga- Purok 4, Brgy Eden, Toril, Davao City.

Matud ni Dema-ala giturn-over na ang mga dinakpan sa Toril Police Station aron didto na kini i-detain ug pasaka’ag kaso.

RadyoMaN Aimee Guinita