Detinado sa Maharlika detention Cell ang usa ka lalaki nga nadakpan sa drug buy bust operation sa Barangay Carmen kagabie.
Si Police Captain Jason Cabamungan Sto. Domingo, mipa-ila sa maong suspect nga si Alexander Cortez, 33 anyos ug taga Villa Verde Subdivision, Balulang ning syudad.
Mga alas nuybe kagabie ang maong suspect nadakpan sa Bulua Police sa ilang Buy bust operation sa Ilaya, Carmen.
Nakuha sa mga police gikan sa maong suspect ang duha ka pakite sa gituohang SHABU nga mokabat sa kapin kon kulang 15 gramos.
Nakuha pa gayud sa mga police gikan sa maong suspect ang usa ka libo ka pesos nga buy bust money, Cell phone ug XRM motorcycle.
Sa umaabot Lunes, pasakaan sa kasong drug pushing sa City Prosecutor’s office ang maong suspect.
Facebook Comments
