General Santos City- Wala nay kinabuhi nga nakaplagan sulod mismo sa iyahang lawak nga gi abangan ang usa ka Mak-Mak Malabat, 23 anyus ug lumulopyu sa Blk. 7 Bulaong Village Barangay Babangal ning syudad sa Heneral Santos human nga nag hikog kini gamit ang usa ka nylon.
Sumala pa sa silingan niini nga si Emelyn Delfin nga alas 3 ang takna sa hapon iyahang gi tawag ang nasangpit sa iyahang kwarto apan wala matud pay ga tubag hinungdan nga gi pasagdan nalang niini tungod kay nag tuo siya nga natulog pa.
Mag alas 6 na sa gabie subling gi tawag sa nasangpit ang biktima apan wala gihapoy ga tubag hinungdan nga iyahang gi lili ug nakita nga daw sa nagtindog lang apan wala naga tubag hinungdan nga gi tawag matud pa nila ang mga kabanay san sangpit aron nga abrihan ang iyahang lawak ug didto nadiskobrehan nga wala nay kinabuhi.
Sumala pa niini nga ayha matud pa nag hikog ang nasangpit nga biktima grabi pa ang hilak niini samtang nag esturya sa inahan sa iyahang silingan tungod kay gimingaw na kini sa iyahang mga anak human nga gi dala sa iyahang kaipon.
Dugang nga punay matud pa nga mag-away ang nahisgutang lalaki og kaipon niini.
Sa karon anaa na sa lokal nga punerarya ang nahisgutang lalaki.
Photo from web
