General Santos City—Gikumpirma ni Spo1 Lloyd Bolar imbestigador sa Police Station 7 nga natripingan lang ang biktimang naila sa pangalang Junepher Recaña 30 anyos residente sa may Zone 10 B, Blk 7, Barangay Fatima ning dakbayan.
Kahinumduman nga bandang alas 2:00 sa kadlawon una nang nag-abot ang biktima ug ang suspetsadong naila sa pangalang Jr Jimenes Casio, 20 anyos, lumulopyo sa may Blk 4, Zone 8, sa nahisgutang barangay.
Gidugang pa ni Spo1 Bolar nga nagsugod matud pa ang bingkil sa duha dihang gilantaw sa biktima ang grupo sa mga suspetsado hinungdan gipaabot kini sa gawas nga bahin sa balay kahilayan ug didto na natigayon ang pagpanunggab.
Sa pagkakaron gihikay na sa kapolisan sa Fatima ang tukmang kasong ipasang-at batuk na ngadto sa maong suspetsado, ( *Ray Flores Sabillo* )
