General Santos City—Mas gipalawman pa karon sa kapolisan sa Tambler PNP ang ilang gihimong imbestigasyon aron mailhan ang tinuod nga pagkatawo sa suspetsadong naila lang sa alyas Dakmat nga mao’y gitudlong responsableng mitigbas sa usa ka John Dave Gangayan 25 anyos,residente sa may Purok Pandian,barangay Labangal.
Nasayran nga bandang 12:30 sa gabie una nang nakig-inum ang biktima sa iyang mga higala sa Purok Upper Puting Bato barangay Calumpang apan kalit lang matud pang niabot ang suspetsado deritsug tigbas sa biktima gamit ang sundang .
Nakahiagum ang biktima samad tinigbasan sa iyang likod ingon man sa kamot nga bahin hinungdan dali kining gidala sa iyang higala sa balay tambalanan samtang ang suspek ang dali usab nga misibat palayon sa lugar. ( *Ray Flores Sabillo* )
