Lalaking giingong na missing nakit-an na

Davao City – Gipaklaro ni PLT Col Ronald Lao Station Commander Sta. Ana Police Station nga wala na missing ang giingong usa ka lalaki nga si Leo Tompong, alyas Enting nga mikuyog sa iyang kauban sa trabaho sa R Castillo, Agdao syudad sa Davao, niadtong alas 3:30 sa hapon Enero 3, 2023.

Segun ni Lao, si Tompong nipauli sa iyang ginikan sa Digos City, Davao Del Sur nga nakit-an niadtong Enero 6, 2023.

Subling nagpahimangno sa hepe sa mga ginikanan nga bantayan ang ilang mga anak samtang ang mga anak mananghid usab sa ilang ginikanan una molakaw aron dili mabalaka ang ilang mga ginikanan.

“Nakit-an daw sa Barangay Centro Agdao unya pagkahuman gipangutana didto ug naay nakasulti nga niadto Digos,” sulti ni Lao.

Samtang nahinabi usab sa DXDC RMN Davao ang igsuon nga si Rodel Tompong nga nilakaw ang iyang igsuon nga wala nananghid ug mipauli sa Digos tungod aduna kini gikabikil niadtong panahona.

“Mao to naniguro sya uli dayon og nilakaw, wa mananghid, unya gipangbilin niya iyang mga gamit. Ang problema niya kay wa na syay kuwarta nagbaklay sya paingon og Digos,” saysay niini.

RadyoMaN Don Pulayao