Davao City – Adunay dili mga maayong rekord sa Talomo PNP ang gipusil-patay nga lalaki sulod sa PUJ ganinang buntag.
Kana maoy gibutyag ni Davao City Police Office Spox PSI Ma. Teresita Gaspan atol sa gipahigayong AFP-PNP press conference diin siya miingon nga nalambigit ang suspek sa mga kasong theft ug robbery ug dugang niini nga aduna usab kini gidunggab apan wala na kini gipasakahan og kaso.
“Most probably, posible yung tumira sa kanya mga kalaban din niya”, segun ni Gaspan.
Gikanayon ni Gaspan nga padayon ang kapulisan sa paglusad og imbestigasyon kung kinsa ang suspek sa maong pagpamusil sa biktima.
Kahinumduman, nga gipusil-patay ang usa ka lalaki nga si Jomart Colina Poral, 25 anyos nga taga Purok 14 Crossing Ulas Barangay Talomo samtang nagsakay kini og Toril nga jeep.
RadyoMaN Abi Bibera
