BAGO CITY, NEGROS OCCIDENTAL – Driver ginbuno sang pareho niya driver gamit ang screw driver bangud lamang sang lalisay sa biyahe sang motor kagab-i sa Brgy. Taloc, Bago City.
Nakilala ang biktima nga si Josie Encarnacion, 45 anyos ang edad, kasado kag pumuluyo sang Purok Fatima, Brgy. Taloc, samtang, wala naman nakilala ang suspek.
Suno sa biktima nga may mga las 10:22 kagab-i sa Taloc proper, naglalisay ini sila sang suspek sa biyahe sang motor sa amo nga area.
Pahayag pa ni Encarnacion nga nakibot na lamang siya sang nagpalapit na sa iya ang suspek kag hinali na lamang ini nga ginbuno gamit ang screw driver.
Gindala sa Corazon Locsin Montelibano Memorial Regional Hospital ang biktima agud mabulong samtang, padayon naman nga ginapangita ang suspek./dyHB BACOLOD
