General Santos City—Gikatakdang magpahigayon ug Disaster Risk Reduction and Management (DRRM) Training alang ngadto sa mga personahe sa Media ug Information Officers sa tibuok Region-12 nga pasiugdahan sa Regional Disaster Risk Reduction and Management (DRRM) Council Region-12 inabagan sa Office of Civil Defense Regional Office 12.
Magsugod ang aktibidad ugmang adlawa alas 8:00 sa buntag ug mahuman karong adlawng Byernes, July 6, 2018.
Ipahigayon kini sa Phela Grande Hotel, General Santos City. Tumong sa maong aktibidad aron nga magbaton ug dugang kaalam ang mga personahe sa media bahin sa Disaster preparedness kansa sarang nilang mapabot ngadto sa katawhan.
Gikaingong dakong tabang ang media sa pagpaabot ug impormasyon hilabi na sa paglikay sa posibling danyos sa kalamidad ngadto sa katawhan.
(Photo Credit to RDRRMC FB)
