Wala pa gihapon maila ning panahona ang patayng lawas sa usa ka lalaking gipusil patay, gisunog ug gilabay niadtong Sabado sa alas sais sa buntag sa Purok 3, Barangay Poblacion, Naawan, Misamis Oriental.
Matud ni SPO1 Cirilo Manco, imbestigador sa Naawan Police Station nga gibaatan ang baba sa biktima kinsa gibana-banang nag-edad sa 25-30 anyos, itumon, adunay pagkakulot ang buhok ug adunay patik sa walang bahin sa kamot nga “Noel.”
Ang biktima adunay samad pinusilan sa ulo ug sa iyang dughan, diin makita ang duha ka basyo sa bala.
Matud ni Manco nga dili residente sa dapit ang biktima apan gituohang gidala lamang kini sa maong dapit ug gipatay.
By: RadyoMaN Ellah Baculio
Facebook Comments
