Lalaking gisulod og sako giimbestigahan sa PNP

78
Davao City – Alegasyong gidagit sa pipila ka mga tawo niadtong Agosto 30, 2022 adlaw’ng Martes alas 6:30 sa buntag sa Talomo Proper, Brgy. Talomo, Davao City ang patay nga lawas sa lalaking gisulod og sako.

Sumala ni Police Major Noel Villahermosa, Station Commander sa Talomo Police Station,
giimbestigahan pa nila karon ang report nga alegasyong gidagit ang biktimang si BRIAN MARTINEZ DIQUE, 44 anyos, nagtrabaho isip usa ka maintenance.

Sa hapon human sa pagkawala sa biktima nidangop sa Talomo PNP ang live in partner nga si MARY JANE JUMENTO IBAY aron ipa-blotter ang insidente.

“According sa live in partner nga gikan sa ilahang balay nilakaw unya gi-inform siya nga gikuha kini sa mga tawo. Wala pod gi-mention kung pila ka tawo mao ni atong ginasubay karon. Dili sad nila masulti kung unsang klaseng sakyanan color white man to ang giingon lang,” segun ni Villahermosa.

Matud ni Villahermosa, ginasubay sa mga investigators ang dalan sa posibleng nakuhaan usab kini sa cctv camera ang maong alegasyong pagdagit sa biktima.

Agosto 31, 2022 sa gabii nibalik ang live in partner sa istasyon ug gikumpirma niini nga iyang kapuyo ang napalgang patay nga naglutaw sa dagat sa Brgy. Centro, Agdao nga gisulod og sako, nakatali ang mga kamot niini, gisampungan ang baba og towel ug duct tape ug adunay karatulang ‘Holdaper kini sa panel sa Davao City’.



Gitakdang ipailawom sa awtopsiya ang patay’ng lawas sa biktima aron masuta ang hinungdan sa kamatayon niini.

Matud ni Villahermosa, lakip sa ilang giimbestigahan kung aduna kiniy criminal records.


Sa joint investigation sa Sta. Ana ug Talomo Police Station padayon pa nilang ginasuta ang motibo sa pagpatay sa biktima.

RadyoMaN Aimee Guinita

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments