Nasikop na sa Talisayan Municipal Police Station ang suspect nga niputol sa ulo sa wala mailang babaye nga nakit-an sa Barangay Punta Santiago, Talisayan Misamis Oriental.
Matud ni Police Capt. Maribeth Rabuga ang chief of police ng Talisayan Municipal Police Station nga ang suspect nailang si llod Bagtong, 21 anyos taga Barangay Casibuli, Talisayan, Misamis Oriental ug gituohang dunay deperensya sa utok.
Nasayran nga sa gihimong hot pursuit operation sa kapulisan sa balay sa suspect nga na-abtan nila kini samtang gikaon ang utok sa biktima.
Mahinumduman nga mga alas 5:50 kaganihang kadlawon sa dihang nakadawat og report ang kapulisan may kalabutan sa usa ka babayeng nakit-an sa Barangay Punta Santiago, Talisayan, Misamis Oriental nga putol ang ulo ug walay sanina sa taas nga bahin.
Apan dunay usa ka residente sa maong lugar ang nakakita sa suspect busa nihimo kini sa hot pursuit operation batok sa suspect nga detinado na karon sa Talisayan Municipal Police Station.
Sa interview sa dxCC-RMN, giangkon usab sa suspect nga siya ang mipatay ug mikaon sa utok sa biktima.
