General Santos City–Nagtingkagol karon sa selda sa Police Station 3 ang usa ka Francisco Sanico, 41 anyos usa ka laborer ug nanimuyo sa Prk. 21, Rubi Compound, Barangay Lagao GenSan human nga gisuwayan matud pa niini ug lugos ang usa ka batang adunay problema sa pangutok alas 11:00 ang takna sa gabie.
Sumala pa ni Police Major Ruelito Lumiguid ang hepe sa Police Station 3, nga human matud pa sa ilahang curfew aduna mitawag sa iilang buhatan kabahin sa maong insidente.
Malampuson usab nga nadakpan ang suspect kansa lango sa ilimnong makahubog, diin positibo nga gitudlo sa mga witness nga maoy responsible nga misuway ug lugos sa biktima.
Dugang pa ni Major Lumiguid nga gidala matud pa sa nahisgutang suspect sa likod nga bahin sa balay ang biktima ug didto na gisuway ug hubo, maayo nalang kay nakita sa mga singilan ug napugngan ang iyahag dautang plano.
Gilayon usab nga mireport ngadto sa kapulisan hinungdan nga narespodehan ug nasikop ang suspect.
Sa karon giandam na sa Police Station 3 ang kasong attempted rape batok sa nahisgutan nga anaa sa ilahang kustudiya apan kung mugawas matud pa ang resulta sa medical nga nahilabtan gayud ang biktima ilaha kining isaka ngadto sa karong rape.(Dave Silagan)
